Jyllands-Posten ajortumeerniagassatut siunniunneqarsimagaluarpoq

Taamaalillunilu paasinarsivoq, aviisi Morgenavisen Jyllands-Posten peqqarniisaarniarfissatut aamma pilersaaruteqarfigineqarsimagaluartoq.

Nassuiaataat naapertorlugit aviisi ajortumeerniagassatut siunniunneqarsimagaluarpoq, politiit isumannaallisaaniaqatigiivini attaveqarnermut pisortaq Trond Hugubakken aviisip VG-p nittartagaanut taama oqarpoq.

Danmarkimi politiit kilitsissiaqarfiannit PET-mit tamanna uppernarsarneqarpoq.

- Suliassaq aalajangersimasoq pillugu Norgimi politiit isumannaallisaaniaqatigiivi PET-mit qanittumik suleqatigineqarput. Peqqarniisaarniat tigusarineqarnissaat sioqqullugu Norgimiut politiivisa isumannaallisaaniaqatigiivinit nakkutigeqqissaarneqarnerat pissutigalugu, peqqarniisaarniartoqangajassimanngitsoq PET-mit oqaatigineqarpoq, taamaattorli misissueqqinnerminni maanna parnaarussat, Danmarkimi suleqateqarsimasinnaanerat misissorneqalersoq oqaatigalugu.

Paasissutissat nutaat Jyllands-Postenimimi isumanaallisaanernut sakkortuunut allanngortitsinngillat.

- Tamanna suliffeqarfitta peqqarnisaarniarfissatut piukkunneqarneranut ajoraluartumik assersuutissaannaavoq. Aammattaarli tamanna paarilluarneqarnitsinnut aamma takutissutissaalluni,