Jyllandip avannaani suliffeqarfiit nunatsinnut qanillattorput

Jyllandip Avannaanit angalatitat qanittukkut Nuummiillutillu Sisimiuniipput. Tikeraarnermi ilaatigut suliffeqarfiit Jyllandip Avannaaniittut Kalaallit Nunaanniittullu suleqatigiinnerat qanoq aaqqissuunneqarsinnaanersoq ussassaarutigaat, soorluttaaq nunatsinni inuussutissarsiutitigut ilinniartitaanerup qanoq nukittorsarneqarsinnaanera qanoq suleqatigiissutigineqarsinnaanersoq oqallisigineqartoq.

Suleqatigiiffimmi tassani kalaallit ilinniagaqartut Jyllandip Avannaani suliffeqarfinni ilinniarnerminnut atatillugu suliffimmiissinnaanerannut periarfissat qanoq suleqatigiissutigineqarsinnaanerat ilaatigut oqallisigineqarpoq.

Suleqatigiilerneq Ålborgimi Umiarsualiviup aviisiani TransPORT-imi allaaserineqarpoq. Inuussutissarsiutitigut qanoq suleqatigiittoqarsinnaanera Nunatsinni Takornariaqarnermi Inuussutissarsiornermilu Siunnersuisoqatigiit aamma Namminersornerullutik Oqartussat peqatigalugit ingerlanneqarpoq.