Juunip qaammataani aatsaat taama kiatsigivoq

Kiassutsimik rekordi 24,7-nik uuttorneqarpoq Nuummi mittarfimmi uttorneqartoq, Danmarkimi  silasiorfik DMI tusagassiuutinut nalunaaruteqarluni taama allappoq.

- Tunup avannaani  naqitsinertuffeqarpoq kujataani naqitsiniisaffeqarluni, tamannalu pissutigalugu Nuummi nunasarnerpoq, silap pissusianik aamma Kalaallit Nunaani sila pillugu immikkut ilisimasalik John Cappelan DMI-meersoq taama oqarpoq.

- Silasiortut oqaluttuarput kiattorujussuarmik nunasarnersimasoq  anoraalu panerluni.
 
- Silaannaq kiattoq 24,7-nik kiassuseqalersitsilluni.

Kingullermik kiannepaalluni  rekordiliisoqarpoq Kangerlussuarmi juunip ulluisa 15-anni 2014-mi.  
taamanikut 23,2-nik kiappoq.
 
Kalaallit Nunaanni aasaanerani  kiattuarallassaaq.

Danmarkimi silasiorfimmi DMI-mi Kalaallit Nunaanni silap qanoq innissaanik immikkoortortamit oqaluttuarineqarpoq, rekortiliisoqareersimasinnaasoq taannalu pisortatigoortumik saqqummiunneqarnissaa utaqqiinarneqartoq.  

Kalaallit Nunaanni tallimanngornermi kiannepaaffia  Danmarkimi silasiorfimi DMI-mi silap pissusaannik immikkut ilisimasalinnit  nalilersoqaqqaassaaq pisortatigoortumik saqqummiunneqartinnagu.

DMI-mit nalunaarutigineqartut naapertorlugit  tallimanngornermi uuttorneqartoq kiannerusinnaavoq kalaallit Nunaannilu juunip qaammataani aatsaat taama kiatsigisimaneranik uttortaasoqarsimasinnaalluni.