London Juullisioriat 110.000-it kinguaattoortut
Timmisartoqarfiup matuneqartariaqarnera pillugu timmisartunut ilaasussat tusintinit amerlanerusut eqqorneqarput.
- Timmisartut Gatwickimut Gatwickimiillu ullumi angalasussat tamarmik taamaatinneqarput timmisartuaqqat ungasianit aqunneqartartut suli timmisartoqarfiup eqqaanniimmata.
Piaaraluni timmisartuussinernik akornusersuiniarnermik siunertaqarsorineqartoq, Gatwickimi mittarfeqarfik twitterikut taama allappoq.
Timmisartunut ilaasussat 110.000-it missaanniittut timmisartullu 760-it sisamanngornermi taamaatitsisoqarneranut eqqugaapput.
Timmisartut 6000-it tuluit nunaani mittarfinnut allanut aamma Parisimut Amsterdamimullu ingerlasussanngortinneqarput.
Tuluit nunaanni inatsisit malillugit timmisartuaqqat uangasianit aqunneqartartut mittarfiit imaluunniit timmisartut qanittuini
atorneqaqqussaanngillat.
Timmisartuussinerit tamarmik pingasunngornermi unnukkut qulingiluat missaani dronit takuneqaqqaarneranit unitsinneqarput.
Politiit isumaqarput, timmisartoqarfimmi akornusersuiniartoqarpoq. Timmisartuaqqanik uangasianit aqunneqartunik ingerlatsisut imaluunniit ingerlatsisoq politiinit maanna nassaariniarneqarput.
