Juullip orpii ikilisimapput

Suut tamarmi akitsoraluttuinnarnerini aammattaaq juulli eqqugaassaaq.
Allattoq Elisa Isaksen
novembarip 20-at 2007 11:28

Danmarkimi juullip orpiliai naatinneqarsimasut ikippallaarmata Danmarkimiit nunanut allanut orpilissat nassiunneqartut ikileriaateqangaatiassapput. Orpiillu Danmarkimiit nunanut allanut nassiunneqartut akii 25 procenti tikillugu akitsussapput. Danmarkimi nutaarsiassaqartitsivik Nyhedsavisen nittartakkamini taama allaaserinnippoq.

Taamaalilluni Kalaallit Nunaanni najugallit naatorsuutigissavaat nunatsinni juullip orpiliai akitsoriangaatiassasut, taamatullu aamma pisarnerniit orpilissat tikittut ikileriaateqassasut.

Orpilissat ikileriaateqarneranut pissutaavoq

Europami kiisalu Danmarkimi juullip orpiliai naatinneqarpiassaarsimanerat. Naatinneqarpiassaarneranullu pissutaavoq, 2005-mi EU karrinik naatitsisartut annertuumik aningaasanik tapiissuteqarfigisaleramikku. Taamalilluni Danmarkimi orpinnik naatitsisartuusimasut karrinik naatitsisalersimammata.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq