Juullip orpia ikinneqarpoq

Orpiit nunaqarfinni pisiarineqarsinnaanerat Pilersuisoq A/S-ip qularnaarpaa.

- Takusinnaasattut orpiit avannaanut nassiunneqartut tamarmik nunaqarfinnut apuunneqareerput, KNI-mi tuniniaanermut pisortaq, Kurt Lauritsen, oqarpoq.

KNI-mi tuniniaanermut pisortat, Kujataani Bent Søholm, aamma Tunumi Martha Mikaelsen oqarput, orpiit sapaassuarmi ikinneqartussat apuuffissaminnut apuussimannginnerinik naammagittaalliortoqanngitsoq.

Juullimulli orpiliassat tamakkerlutik suli ilaatigut tikissimanngillat, ilaatigut orpiit Uummannap nunaqarfianut Qaarsunukartut, kukkuluttornikkut Ikerasammut niuneqaqqaarsimagaluarput. Qaarsunulli ullumi paasiniaagatta orpiit apuussimanersut, oqaluttuarput umiarsuaq tikissimasoq, naatsorsuutigilluinnaritsillu orpiit tassunga ilaasut.

Qaarsuni orpik nalunaaqutaq arfinermut ikinneqarpoq, Nuummi orpissuaq nalunaaqutaq sisamanut ikineqarluni.