Juullip Inuata nittartagaa soqutigineqaqaaq

Peqatigiiffik Kalaallit Meerartaat sapaatip akunnerisa pingasut missaasa matuma siorna “Juulimaamik naatitsigit”-mik qulequtserlugu soqutiginnilersitsiniarlutik suliniuteqarput. Ussassaarineq taanna aviisit Politiken Sermitsiarlu aqqutigalugit ingerlanneqarpoq.
aggustip 24-at 2007 15:25

Nittartakkani takuneqarsinnaavoq Kalaallit Nunaat aputitarasaartoq, assitarlu qernertuinnaq tooraanni saqqummissapput paasissutissat Kalaallit Nunaanni Naatsorsueqqissaartarfimmeersut, assersuutigalugu angutit 9 procentii 25-nik ukioqalernatilluunniit imminornikkut, ajunaarnikkut allatigulluunniit toqusartut. Taakku tamarmik sianaalaarpalummit immiaaqqallu puuisa kallussaappalunnerannik nipitaqarput.

- Nittartagaq taanna assorsuaq soqutigineqarpoq, pingaartumik Peqatigiiffik Kalaallit Meerartaat ersarinnerulersutut maluginiarneqarnerusutullu isikkoqalerpoq – pingaartumik Kalaallit Nunaanni.

Nalunngilarput inuppassuit nittartakkamik alakkaasimasut, aamma aningaasarpaalunnik tunissutisivugut, aamma Kalaallit Nunaanniit. Peqatigiiffiup suliniutaasalu Kalaallit Nunaannit maluginiarneqarnerunissaa piffissaq kingulleq tamaviaarluta sulissutigaarput, Lars Roskam Hemmingsen, Peqatigiiffik Kalaallit Meerartaaneersoq, oqarpoq.

Suliniulli neriuutigisatut sinneqartooruteqarfiunngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq