Juullip inua tigusarineqarpoq

Ullut 16-t qaangiuppata decembarip aallaqqaataani meeqqat inersimasullu juullimik nuannersarisallit tv-kut ammartakkap nutaap "Nissit Angakkuaatillu"-mik qulequtserneqartup aallakaateqqaarneqarnissaanut qilanaarisassaqarput.

Ammartakkamik suliarinnittut tassaapput filmiliortartoqatigiit Tumit Productions, ammartakkami 24-nik immikkoortortalimmi Juullip inuata tigusarineqarluni parnaarussaasimaneraniit nissiaqqat marluusut juullertinnagu annaassiniarnerinik oqaluttuliaavoq pissanganartoq.

TV-ikkut aallaakaatitamut tulluartumik aammartagaliortoqarpoq.  Eqqumiitsuliortunngorniaq Lena Augusta Olsen-ip aallakaatitassiamut tulluartumik ammartagaliorpoq, taassuma  titartagartai ammartakkami pisussanut tunngalluinartut KNR-TV-mi aallakaatitat malittariutaa tulleriiaarlugit ammarneqartassapput.

Ammartagaq  pisiarineqarsinnaalereerpoq 25 koruuninik akeqarluni maani nunatsinni illoqarfiit allakkeriviini pisiarineqarsinnaavoq. Ammartagaq Danmarkimi Kalaallit Illuini aamma pisiarineqarsinnaassaaq.

- Ammartagaq piaaraluta akikitsipparput, tassami ammartagarpassuit sukkulaatitallit unammillertussaagatsigit. Ammartakkamik  "Nissit Angakkuaatillu"-mik tapersersuisut ammartagarsinissaat neriuutigiinnarparput, Aka Hansen, Tumit Productions-imik piginneqataaasoq KNR-imut taama oqaluttuarpoq.

Tele-Post suliamut tapersersuivoq.

Ammartakkat nunatsinni allakkerivinnut aningaasartuutaanngitsumik tuniniarneqarput sumilu tamaani pisiarineqarsinnaalereerlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat