Juullip Inua nutaamik ilisarnaatitaarpoq

Juullip Inua Qaasuitsup Kommunianut aalajangersimasumik najugaqalermalli Juullip Inuata nunarsuatsinni ilisarisimaneqarnerulernissaa anguniarlugu amerlaqisunik suliniuteqartoqarnikuuvoq. Taakkua nutaataannut ilaavoq Juullip Inuata ilisarnaataa nutaaq.
Allattoq Peter Troelsen
januaarip 09-at 2014 12:06

Kommuni unammisitsimmat 52-inik siunnersuuteqartoqarpoq maannakkullu tassa ajugaasoq toqqarneqarluni. Ajugaasorlu tassaavoq Kristian Fly, Qaasuitsup Kommuniata ilisarnaataanik aamma ilusilrsuisimasoq. Toqqarneqartoq 10.000 koruuninik akissarsitinneqarpoq.

Ilisarnaat decembarilli 19-ianni kommunimit toqqarneqareersimasussaagaluarpoq, toqqaasussalli tassaasut borgmester Ole Dorph, inuussutissarsiorneq pillugu ataatsimiititami siulittaasoq Palle Jeremiassen, kommunalbestyrelsemi ilaasortaq Bendt B. Kristiansen, kiisalu immikkut toqqakkat marluk tassaasut Sofie Andersen kiisalu World of Greenlandip sinniisuutitaa isumaqatigiissinnaasimanngillat. Siunnersuutit marluk isumaqatigiissutigineqarsinnaasimanngillat. Pingasunngormalli tassa ajugaasoq toqqarneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq