Juullip inua nassaarineqarpoq
Kommuunimmi Inuussutissarsiornermut Ataatsimiisitaliaata aatsaat qanittumi Juulimaaq pillugu suliniutissaq akueraa.
- Imatut aallarniutigalugu pilersaarutigut iluseqanngillat, kisianni ilisarnaatissaa aamma suleqarniarnitsinnut tunngatillugu piumasaqaatissagut suliniutigilerpagut, Lars Lennert-Sandgreen, Qaasuitsup Kommuniani Inuussutissarsiornermut Ingerlatsivimmi pisortaq oqarpoq.
Pilersaarutigineqartunummi ilaavoq Juulllip inuata ilisarnaataata suliffeqarfinnit kommuunimit suleqatigineqartunit atorneqartarsinnaanera.
Kisianni Juullip inua pillugu suliffeqarfinnik suleqatigisinnaasanik Qaasuitsup Kommunia suli isumaqatigiissuteqarfeqanngilaq.
Ilanngullugu Juullip inuata suliniutiginiarnera Nuummi iluatsippallaarsimanngimmat Qaasuitsup Kommunianit mianersuunneqarpoq:
- Aamma eqqaamasariaqaramik soorlu Nuummiikkallarmat iluatsinngittutut isikkoqartut misissorluaqqaartariaqaratsigit killiffii. Juullip inuata nutaamik uummarissarnissaa maannakkut killiffigigatsigu suliniutiginissaa, Lars Lennert-Sandgreen oqarpoq.
Juullip inuata pisortatigoortumik ingerlanneqarnera Destination Avannaata, Qaasuitsup Kommunianit pigineqarnikup, Nuuk Tourism siorna ukiakkut akiliisinnaajunnaarmat ingerlatarilerpaa.
