Juullimut niuffatitsineq politiinit matuneqartoq

Qaqortumi KNI Pilersuisup Qaqortup katersortarfiani juullimut niuffatitsinera ippassaq politiinit matuneqarpoq. Politemestereqarfimmiit Morthen Nielsen radioavisimut oqarpoq, KNI Pilersiusoq Qaqortumiittoq nalinginnaasumik niivertarfigisami avataani nioqqutissanik tuniniaanissamut akuersissumik peqqaarani, tuniniaasimanera pillugu, tuniniaanerat matusariaqarsimallugu. KNI Pilersuisoq Sulisitsisut Kattuffiannit Grønlands Arbejdsgiverforening-imit politiinut nalunaarutigineqarsimavoq. KNI-imi tusagassiisartoq Vittus Qujaukitsoq radioavisimut oqarpoq, sapaatip akunnerata naanerani KNI Pilersuisup Qaqortumiittut juullimut niuffatitsinissaanut akuersissussimik qinnuteqaanniarlugu, qaqugulu niuffatitsinissap ingerlanneqarnissaa oqaluuserissagitsik. KNI Pilersuisoq Qaqortumiittoq katersortarfimmi niuffatitsinermi tuniniarsimagaluarpai nioqqutissat nunaqarfinni tunineqarsinnaangitsut, Vittus Qujaukitsoq Radioavisimut oqarpoq. Ilanngullugu Vittus Qujaukitsup oqaatigaa unammilleqatigiinissamut killersuinerup oktoberip ulluisa 31 ani atorunnaarnerata kingorna niivertarfiit suliffeqarfiillu unammillertigisami kukkussutigisinnaassaannik tappinnnerulersimasut.