Juullimut niuffanneq minnerulaarpoq
Juullernissaanullu ullut marluujunnaalersut pisiniarfinni niuffattut alakkarterpavut.
Ilulissani atisaarniarfimmi Knud Pedersenimmi pisiniartitsisoq Luunannguaq Petersen juullimut niuffanneq pillugu taama oqarpoq.
Juullimut niuerneq annikitsuusutut Butik 56-imi piginnittup aamma malugivaa. Pisiniarfiutilik Malene Geisler ima oqarpoq.
Poortukkanillu pisiniarneq annertugisassanngikkaluartoq, atisanik mutinik pisisoqallattaasoq Malene Geisler oqarpoq.
Ilulissat Radio TV-mi sulisut pisiniartartut akissaatikinnerat maluginiarpaat. Tamannalu iliuuseqarfiginiarlugu naafferaarlugu akilersuisitsisinnaaneq periarfissanngortippaat. Pisiniarfimmi sulisoq Kristian Olsvig juullimut tunissutissatut pisiarineqartut pillugit ima oqarpoq.
Iluliarmiut ilaat juullimut annertuunik kissaateqanngillat, ilaquttariillunilu juullimi ataatsimuualaarnissaq pingaartinneqarpoq. Kalaaliaqqami tuniniaasut ilaat, Arne Hansen ima oqarpoq.
Pisiniarfinnik piginnittut juullimut niuffannerup annertunerulernissaanut suli isumalluarput. Piffissaq kingulleq atorlugu poortukkanik aqagu pisiniartussat amerlassagatinneqaramik.
