Juullimut inuulluaqqusineq annertussaaq

DR-ip Nunatsinnut juullimut inuulluaqqussutaa siorna aatsaat taama annertutigisoq taama annertutigeqqissaaq. DR taama ilisimatitsivoq. Maanna billetit 50-it kiserngorupput taamalu isiginnaariat 1.300-ussallutik.

DRip aallakaatittagaani Juullimut inuulluaqqusineq pisoqaanersaavoq. Taanna siullerpaamik 1932-mi aallakaatinneqarpoq amerlanngitsunillu pinngitsoortarsimagaluarluni ukiut tamaasa uteqqiattunngorsimavoq kalaalerpassuit Danmarkimilu Nunarput pillugu soqutiginnittut qilanaariuartagaat.

Pisarneq malillugu Julie Berthelsen inuulluaqqusinermi oqaluttuussaaq. Ukiormannalu qilanaarineqarsinnaapput nipilersoqatigiit Nanook nutaanik qatitoortoqarlutillu tumerparpaartoqarlutik appittussat. Taakku saniatigut appissapput Benny Andersen aamma Dodo. DRs Big Band aamma erinarsoqatigiit Aavaat peqataassapput Mads Lumholt siulersortigalugu.

Nunatsinnut juullimut inuulluaqqusineq aallakaatinneqassaaq decembarip 22-iani Danmarkimi nalunaaqutaaq 20.00 Nunatsinni nalunaaqutaq 16.00. Unnuk taanna KNR-TV-mi nalunaaqutaq 21.45 aallakaateqqinneqassaaq aammalu suli aallakaateqqinneqassalluni decembarip 26-at.

Nunatsinniinnaanngitsoq juullimut inuulluaqqusineq tv-mi isiginnaartorpassuaqartarpoq. Siorna Danmarkimi 511.000-it tv-kkut isiginnaarsimavaat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat