Juullimut inuulluaqqusineq 80-liissaaq
Ukiormanna Atlantiku avannarleq ikaarlugu juullimi pilluaqqusisoqalerpat aallakaatitsinerit 80-issarissavaat.
Julie Berthelsen pisarnertut ingerlatsisuussaaq. Ukiormanna aamma erinarsortussaavoq, taamatuttaarlu aamma Caroline Henderson, Aviaja Lumholdt, Kimmernaq Mike Fenckerilu, soorunami aamma erinarsoqatigiit Aavaat, taakkulu inuulluaqqusineq naggaserlugu Guuterput ilunngunartoq tussiassavaat.
Aliikkutassiaq Koncerthusetip tusarnaartitsiviani pingasunngornermi decembarip 19-iani ingerlanneqassaaq DR-ikkullu decembarip 22-iani nalunaaqutaq 21.20 aallakaatinneqassalluni, KNR-ikkullu decembarip 22-iani aallakaatinneqassaaq.
Aammattaaq oqaluttuarisinnaavarput DR-ip aliikkutassiaq aappaagu allanngortilluinnarniarlugu pilersaaruteqarmat. Kalaallit Nunaanniimmi aallakaatitsissamaarput.