Juullimut ikiuerusuttut
Danmarkimi ilaqutariit aningaasanik juullimut tunisutissarsiutissaraluaminnik nunarsuarmi meeqqanut allanullu atugarliortunut ikiuiniarnermut tunniussisartut amerliartuinnarput, tamannalu Danmarkimi ikiuiniaqatigiiffinni arlaqartuni maluginiarneqarluartoq avisimi Politikenimi atuarneqarsinnaavoq.
Ikiuiniaqatigiiffinnit soorlu Børnefondimit aamma Planfadderimit oqaluttuarineqarpoq, utoqqaat ingammik ernutaqalersimasut ernuttaminnut juullimi tunissutinnaarilersimagaat, nunarsuarmi meeraqatinut atugarliortunut qaammammut aalajangersimasumik ikiuutinik aningaasaliissuteqartarneq.
Ernuttat peqataannik ukioqataannik soorlu Afrikami atugarliorfiusuniittunut aningaasaliinissaq ikiuinissarlu soqutigineqarnerpaasut Børnefondtimiut unnersiorput.
Nalagaaffiit Peqatigiit meeqqanut ikiuiniaqatigiiffiata UNICEF-ip meeqqanik taama ikiuinissamut neqeroorutaanik Danmarkimi suliffeqarfiit 500-it pisereersimapput, taamalu juullimut tunissutissatut aaqqissuussinermik soqutiginninneq siornamut naleqqiulluni 25 procentimik qaffariaateqartoq avisimi Politikenimi allaaserineqarpoq.
