Juullimut frimærkit saqqummerput
Juullimut frimærkit Tele-Postip saqqummiuteqqammerpai. Frimærkit eqqumiitsuliortup Linda Riber Sørensenip titartagarai, titartakkamilu takuneqarsinnaapput tuttut orpiliarlu ullorissat arsarnerillu ataanni.
Allattoq Louise M. Kleemann
Juullimut frimærkit aqqaneq-marlukkaarlugit pisiarineqarsinnaassapput, 80-it koruunit ataatilaannguarlugit akeqassallutik.
Allakkat poortukkallu timmisartukkoorlugit nassiussassat decembarip arfernata 17-iatalu akornanni nassiunneqareersimassapput, umiarsuakkoorlugillu nassiussassat novembarip arfernata 26-atalu akornanni nassiunneqareersimassallutik.
Suminngaanniit nassiussineq apeqqutaatinneqarluni kingusinnerpaamik nassiussiffissat ulluisa allanngorarput, Tele-Postillu nittartagaani www.tele.gl –imi alakkarneqarsinnaallutik.