Juullimut ammartagaq angakkuarnerpassualik
- Inuttaa Mariiamik ateqarpoq, nissiaqqatut taaneqarsinnaanngikkaluarluni angakkuarsinnaavoq, isiginnaagassiap inuttaa Mariia oqarpoq.
Oqaluttuaq sunaluunniit aallartiffeqarmat aamma ammartakkap piviusunngornera aallartiffeqarpoq. Nuna Fonden KNR suleqatigalugu, ammartagaliornissamik unammisitsinerat ukioq manna aallartilaartoq aallartippoq, upernaallu ingerlanerani kikkut ajugaasuunersut nalunarunnaarluni.
- Immiussinerit aggustimi septembarimilu ingerlanneqarput. Upernaaq Nuna Fondenip unammisitsinerani ajugaalluta paasigatsigu piareersarnerit aallartipput, massakkullu katiterinerit kingulliit ulapputigaagut.
Ammartagaq, qulequtserneqarsimasoq Tammartagaq, suliarineqarpoq DeLuxus Studio-mit, Lars Andersen aamma Christian Fleischer Rex-mit pigineqartoq, taanna titartaasarnermigut tusaamasaavoq.
- Meeqqanut ilaqutariinnullu isiginnaagassiaavoq allanalaartoq alutornartorlu. Inuttaa ataasiinnaavoq, kisianni pulaarlunilu pulaartoqartassaaq, Tammartakkami inuttaasoq suleqataasorlu Maria Motzfeldt oqarpoq.
Tammartagaq aallakaatinneqaqqaassaaq aqagu nalunaaqutaq arfineq marlunut.
Juullimut ammartakkani aallakaatinneqartussani taanna kisiartaanngilaq. KNR-TV-ip aallakaateqqissavaa nuannarineqarluartoq 1985-mi immiunneqarpoq Silamiut isiginnaartitsisoralugit ammartagaq Nissikkut. Aamma Danmarks Radiop nutaamik ammartagaliaa Sebastians Jul TV-kkut isiginnaarneqarsinnaavoq.
