Juullimik annaassipput
Nunatsinni juullip inuata akissaarukkaluarneranik ikiorsiisoq, aamma meerarpassuit juullip inuanut allagaasa nuup allakkerisarfiani pujoralannik katersiinnannginnissaannik allakkallu akineqarnissaanik ikiorsiisoqarpoq.
Angut taanna Jon Flintholmimik ateqarpoq, Århusimi najugalik ataataasoq namminersortumillu inuussutissarsiuteqartoq.
Juullip inua Kalaallit Nunaanni sipaarutigineqarniartoq tusagassiuutitigut Jon Flintholmip ippassaq tusaramiuk, aalassaatigingaatsiarpaa.
Isumaqarpunga ajorluinnartuusoq, meeqqanullu juullip inua pingaaruteqarluinnartoq, taakkuami juullip inuanut ukiut tamaasa allattarput, pingaarluinnarporlu meeqqat juullip inuanit akineqarnissaat, tassami meeqqakka meerarpassuillu allat juullip inuanut allannissamik piareersartut ilisimavara, akineqanngitsuussagaluarpata ajuusaarnassagaluaqaaq.
Jon Flintholm oqarpoq, ikinngunnilu Jakob Lundbeck isumaqatigisimavaa, juullip inuata ikiorneqarnissaanik ujartuiniarlutik, taamaasillutik ikiorsiisinnaanerlutik aperisimallutik.
Taamaalilluta tusagassiortumut sianerpugut, oqaluttuaq pissarsiarisimaneraa, taamaasilluta kalaallit nunaanut attaveqarpugut, oqarlutalu ukioq manna ikiorsiisinnaalluta.
Angutit marluk ikiorsiinerata kingunerilerpaa, meerarpassuit juullip inuanut allattut akineqarsinnaalernerat.
Meeqqat juullip inuanut allagaasa akineqarnerannut aappaagu akiliiniarlutik Nuup Komuneata neriorsuutigaa.
