Juullilersoq tusarniaasoqarani
Naalakkersuisut allaffeqarfiat tusarniaanissamut siunnersuutinik kommuninut nassiussueqqammerpoq, taannalu tassaassaaq Kalaallit Nunaanni kommunit, maanna 18-iusut, januaarip ulluisa aallaqqaataanni 2009-mi sisamaannanngorpata kommunalbestyrelsinngortussanut Naalakkersuisut inatsisaattut naggataagut atuutilersussaq.
Inatsisissamut siunnersuutip akineqarnissaa januaarip ulluisa sisamaanni ukioq 2008 kingusinnerpaamik killeqarpoq. 1994-imi kommunalbestyrelsinngorsimasunut Naalakkersuisut inatsisaat inatsisissamut maanna siunnersuutip taarsissavaa.
Siunnersuut Inatsisartut 2008-mi upernaakkut ataatsimiilerpata oqaluuserineqassaaq.
Tusarniaanissamut taama sivikitsigisumik piffissaliinertik Naalakkersuisut allaffeqarfiata ajuusaarutigaa:
- Juullilivinnerani tusarniaasoqarnissaa ajuusaarutigaarput, siunnersuutimmi kommunini ataasiakkaani kommunalbestyrelsinit oqaluuserineqarnissaanut immaqa periarfissaq immaqa sivikippallaaraluarpoq, Naalakkersuisut allapput.