Juulli eqqissinartoq
- Suna tamarmi eqqissinarpoq kikkullu tamarmik akaareqatigiillutik pipput, taamaattumik unnummi taamaattumi ilaqutariit ataatsimuuleruttorfianni pigaartuulluni iluaqaaq, Poul Verner Nørgaard oqarpoq. Aamma taassuma Qeqertarsuatsiaat eqqaanni ullaap tungaani iluatsittumik annaassiniarneq oqaluttuaraa.
’Naatsumik oqaatigalugu, ullaaq umiatsiamit arfilinnik ilaasulimmit, Qeqertarsuatsiaat eqqaanni ikkarlissimasumit attaveqarfigineqarpugut. Ingerlaannarluta nakutilliissut ’Tulugaq’ Qeqertarsuatsiaat eqqaannut aallartipparput.
Pisimasut ataasiakkaat eqqartunngikkaluarlugit oqaluttuarisinnaavara umiatsiamiittut tamarmik ’Tulukkamut’ ikineqarmata, ullaap tungaalu Nuuliaanneqarlutik. Neriuppungalu ilaquttaminni eqqissinartumik juulliaqqami unnussiussasut. Politikommissærip tullia Poul Verner Nørgaard naggasiivoq.