Juullerpaluttumik nereqatigiittut

Kalaallit 20-t missaannissinnaasartut Mozart Pladsimi Københavnimiittumi marlunngornikkut nereqatigiittarput. Ullumikkut nerinerat allaanerulaarpoq, akeqanngilaq, juullilerneranimi naggataarlutik nereqatigiipput.

Nereqatigiittartut amerlanerit pisortanit ikiuutisisartuupput. Nereqatigiinnermik aaqqissuisoq Kalaallit Illuata atorfeqatitaa ornigulluni oqaloqatiginnittartoq Agga Petersen ima oqarpoq:

- Kalaallit Mozartpladsimi Københavnimiittumi marlunngornikkut nereqatigiittartut amerlanerit suliffeqanngitsut ullumikkut julefrokostertinneqarput, tamanna Kalaallit Illuutaata tapiiffigaa. Ullumikkummi nerinerat allaanerulaarpoq, akeqanngilaq, juullilerneranimi naggataarlutik nereqatigiipput.

Nereqatigiittartut amerlanerit pisortanit ikiuutisisartuupput. Nereqatigiinnermik aaqqissuisoq Kalaallit Illuata atorfeqatitaa ornigulluni oqaloqatiginnittartoq Agga Petersenip 17-it missaanniittut nereqatigiinnermut aggissangatippai.

- Juullernera malunnartinniarlugu taamaaliorpugut, aqqusinermi ornigulluni oqaloqatiginnittartoq Agga Petersen oqarpoq.

Taanna marlunngornerit sisamanngornerillu tamaasa Mozarts Pladsimiittarpoq ikiuinissaminik neqeroorluni. Nakorsiarnerni, kommunimut saaffiginninnerit aamma inissarsiorluni saaffiginninnerit ikiuiniutigisarpai.

- Aamma imerunnaarniarluni imaluunniit ikiaroorunnaarniarluni saaffiginnittoqaraangat ingerlateqqittarpakka.

Aqqusinermi ornigulluni oqaloqatiginnittartoq Agga Petersen taama oqarpoq. Kisimiittunut Kofoeds Skolemi Christianiami kiisalu ikiuiniartartut Kirkens Korshær juullimi akeqanngitsumik nerisitsiniarput.