Naak juli qiteqqukkaluartoq, taamaattoq nunarsuarmi juulimaat sapaatiuppat ataatsimeersuarnissaat Københavnimi ingerlanneqartussaq aallartissaaq.
Juulimaat ataatsimeersuartussat 150-ssiupput, Nunatsinniit, Canadamiit, Japanimiit, Irlandimiit, Tysklandimiit, Spaniamiit, Hollandimiit, Estlandimiit kiisalu Australiamiit aggersuullutik.
Ullut sisamat ingerlaneranni ilaatigut juulimaat orpinnik pinnersaanernik alersinillu immiinernik sungiusassapput. Tamatumalu saniatigut ukiumoortumik isikkatik kinisimaassuaat aammalu juulimaarpassuullutik Københavnimi pisuinnaat aqqutaatigut ingerlaaqatigiittussaapput.
Juulimaakkut nunarsuarmiutut ataatsimeeqatigiinnerat ukiunik 50-nngortorsiorfiussaaq.
Neriussaagut umissuatik alersersuatillu oqoqisut qallunaat nunaata arsarinnerpaaffiani kiangussutigivallaassanngikkaat.