Jurassic World filmini isiginnaarneqarnerpaajusoq

Filmi 'Jurassic World' sisamanngormat siullerpaamik isiginnaarneqarsinnaalersoq ulluialuit ingerlaneranni 500 millioner dollarsinik isertitaqareerpoq. Qallunaat aningaasanngorlugit 3,3, milliard koruuninik.

Aviisi Wall Street Journal allappoq.

Filmi Katuami aamma isiginnaarneqarsinnaasoq, Amerikap avannaani sisamanngormat takuteqqaarneqartoq, maannamut 204 million dollarsinik isertitaqareerpoq. Nunarsuattalu sinnerani tallimanngormamiit ippassaq sapaat ilanngullugu, 307 million dollarsinik isertitaqareerluni.

'Jurassic World'-ip filmiliarineqarnera 150 million dollarsinik akeqarpoq. Taamaalilluni taassuminnga filmiliortut Universal Pictures filmiliaminnik iluatsitseqattaarnerat suli ingerlavoq, ilaatigut filmiliaat kingulliit allat tassaasut, 'Fifty Shadens of Grey' aamma 'Furious 7' isignnaariarneqarluarsimallutik.

'Jurassic World' Katuami juunip 24-at ilanngullugu takutinneqartassaaq tamatuma kingorna Sisimiuni takutinneqassalluni.

/Ritzau