Jupiterip qaammataanut assingutippaat

Ilisimatuut Canadameersut arlalissuit Ellesmere-p qeqertaanut aallalerput, mississuiartorlutik.

Jupiterip qaammataa Europamik taaguutilik naatsorsuutigineqartarpoq uumassusilinnik najorneqassasoq, taamaammat Jupiterip qaammataanut Europamut assingusumik nunamik Canadap avaannaaniittumik toqqaasoqarpoq, tassalu Ellesmerep qeqertaa.

- Seqernup kaavittaasa akornanni uumassusilimmik nassaartoqassappat Jupiterip qaammataani Europami nassaartoqarsinnaavoq, planetinik ilisimasalik Bruce Betts oqarpoq.

Jupiterip qaammataani silaannaap nillissusaanik assingusumik peqassappat, Ellesmerep qeqertai toqqarneqarput. Tassanilu misileraanermi paasiniarneqassaaq, Jupiterip qaammataani inuuneq qanorpiaq ittuusinnaanersoq.

Misileraanernik assingusunik Vancouverip tasersuani, Pavillion Lake-imi aamma misileraasoqarpoq. Tassani aamarsuit tatsip ataaniittut, marsimi uumassuseqartoqarsinnaaneranut assersuutaasinnaasunik ujaasisoqarpoq.

Aamma ilisimatuut allat Devon Island-imi atortunik misileraapput.