Juliep Ninallu Grand Priximi unammissutissaat youtubemi isiginnaarneqarnerpaasoq
Dansk Melodi Grand Prix KNR 1-ikkut nal. 16-imit aallakaatinneqalerpat, Julie Berthelsen Nina K. Jørgensenilu taaguunneqarnerpaat pingasut akornanniinnissaat ilimagineqarpoq.
Allattoq Bikki P. Kleist
Julie Ninalu normu 2-nngortussatut Danske Spilimit ilimagineqaraluarput, Melodi Grand Prixilli videoliai pisortatigoortut qimerlooraanni allatut inisseratarsinnaapput.
Dansk Melodi Grand Prix'p pisortatigoortumik youtubemi saqqummiussaani kikkut malinnaaffigineqarsinnaanersut takuneqarsinnaavoq.
Erinarsuut League of light 55.000-riarlugu takuneqarsimavoq, 940-nillu nuannarineqarluni likerneqarsimavoq. Erinarsuutinut allanut sanilliullugu erinarsuut Love Is Forever Leonora-mit atorneqartoq 35.000-lugu takuneqarsimavoq 557-it nuannaralugu likersimagaat.