Juliep CD-liaa kuultinnappoq
Danmarkimi aviisini nipilersukkanik naliliisartut Julie Berthelsenip nuusiaa kingulleq nalilernerlukkaluaraat taamaattoq tusarnaartartunit nuannarineqarluarpoq, tassami nuuteeraq ”Asasara”-mik qulequtalik kuultinnattutut maanna nalunaarutigineqarpoq.
Nuuteeraq taanna saqqummeqqaarmat aviisi Berlingske Tidende ilaatigut ima kalaallisuunngortinneqarsinnaagunartumik allaaserinnippoq:
”Julie Berthelsen erinarsortartutut kinaassuseqarani pikkunaallunilu kingumut erinarsortartutut sassaqqippoq. Tupigusuutiginanngitsuunngilarlu mikrofonikkut erinarsortitaaqqissinnaammat”, taama aviisi Berlingske Tidende allaaserisaqarpoq.
Nuuteeqqap saqqummeqqaarneraniit maanna sapaatip-akunneri arfinillit qaangiupput, nuuteerarlu 20.000-nik tunineqareersimavoq taamaalillunilu kuultinassutaalluni.
Juliep erinarsugaanik nuannarinnittut nuannarinnikkallartillugit aviisini nipilersukkanik naliliisartut allaaserisaat Juliap soqutiginngiinnarsinnaagai aviisi Ekstra Blade kajumissaarivoq.
