Julie Edel Hardenberg Kunstfondimit kajumissaaserneqarpoq
Kalaallit Nunaanni inuunerup allanngoriartupiloorsimaneranut atatilllugu suliamut aningaasat atorneqassapput, nunasiaataasimanermiit Namminersornerulersimanitsinnut Namminersornerullu maanna eqqunneqalernera tikillugu ineriartornerup oqaluttuarinissaa qitiuvoq.
Oqaatsit pillugit kulturit akornanni ilaatigut akerleriittarnerit Julie Edel Hardenbergimit pissangartuutinneqarput.
Kalaallisuinnaq ukiup affaani oqalunnissani taassuma misilereerpaa, qanoq qisuariaateqarfigineqarnissani paaserusullugu.
Oqaatsitta kulturittalu pingaassusaat Namminersornerulernerup ukiut 30-t matuma siornatigut eqqunneqarnerata kingorna politikkikkut suliniutigineqarnermi pingaartinneqarnerat, Statens Kunstfondimut qinnuteqaateqarnermini Julie Edle Hardenbergip taakkartorpai.
Kalaallisuinnaq oqaasillit danskisuinnarlu oqaasillit akornanni tamanna pillugu akerleriittoqartarsimanerannik kinguneqarpoq. Danskisut oqalussinnaanissap pingaassusaa 50-ikkunnili oqaatigineqartuarsimavoq, Kalaallit Nunaata ineriartornera ajunngitsumik ingerlassappat tamanna pingaartinneqarsimagaluarluni. Nunat Avannarliit kulturikkut nersornaasiuttagaanik nersornaaserneqarnissamut Julie Edel Hardenberg 2006-imi innersuunneqarpoq, atuakkiaq "Den Stille Mangfoldighed" matumani pineqarluni.
Julie Edel Hardenbergip suliani qanoq ililluni saqqummiutissanerini suli aalajangersimannginnerarpaa, Julie Edel Hardenbergili Radioaviismut oqarpoq pisimasuinnik tunngavilimmik filmiornissaq orniginartillugu.
