Aallartinneq sunaluunniit oqitsuinnaaneq-ajorpoq.
Erinarsortartup Julie Berthelsenip tamanna qularnanngitsumik isumaqataaffigissavaa. "It's a Wonderful Feeling"-imimmi erinarsortoq TV2-p aallakaatitassiaani "Vild med dans"-imi peqataanissaminut sungiusarluni piareersaleruttorpoq.
Erinarsortartulli 37-nik ukiullip sungiusarnini timikkut sakkortunaarpaa. Tamanna Julie Berthelsenip Instragramimi quppernerani takuneqarsinnaavoq. Skuut qitissutigisassani sungiunnaveerlugit isikkamigut ilaatigut qaanneqarpoq.
- Aallartiinnaqaagut, Julie Berthelsen assip ataatigut allappoq, nangillunilu:
- Isikkakka kusanartaruttortut. Isigannguakka kusanartut takuss'. Naammassigutta takuss', erinarsortartoq taama allappoq.
Julie Berthelsen bloggimini www.julieberthelsen.dk-mi siornatigut allappoq qitinnermik sungiusalernissani ernumagalugu. Qanormi qasujaatsiginerluni ernumassutigigamiuk.
- Sungiusarneqanngilanga. Naaggaluunniit. Nakuitsuunngilangali - illulerisarpungami meeqqallu marluk paarsaralugit, tamannalu imaannaanngitsuuvoq. Arpallungali qasujaallisarlungalu sungiusarnissara piffissaqarfiginngilara. Isumalluarpungali - naak ernumasupilussuugaluarlunga, Julie Berthelsen bloggimini taama allappoq.
"Every Little Part of Me"-mik erinarsortartup illussanilu Marc Christensen, "Vild med dans"-imut ukiut 13-issaannik ukiaru aallakaatinneqartussamut peqataassapput.
SÅ' VI SGU DA IGANG! @marcmariboechristensen #taktak #marcsigeratdeterminenyebedstevenner #teamsmil
Et billede slået op af Julie Berthelsen (@berthelsenjulie) den 22. Aug 2016 kl. 1:31 PDT
Et billede slået op af Julie Berthelsen (@berthelsenjulie) den 22. Aug 2016 kl. 2:05 PDT
