Julie AllStars finalemut ingerlaqqipput

Juliap erinarsoqatigiivi sms-ikkut taasinerni amerlanerpaanik taaneqarput, taamaalillutillu tullianik tallimanngorpamut finalimut ingerlaqqissallutik, erinarsortutik pingaarnerit Maasi Ninalu erinarsortoralugit.

Unammisaasa Niarn AllStarsikkut erinarsortuata aappaa Sabina unamminermi ilaajunnaarpoq.

Julie AllStarsikkunni erinarsoqataasoq Nathan Kreutzmann ima oqarpoq:

- Erinarsornerput pissanganaqaaq nuanneqalunilu. Erinarsortuvut pingaarnerit marluusut suli erinarsortoralugit finalimut ingerlaqqittussanngoratta nuannaaqaagut, Nathan Kreutzmann oqarpoq nangillunilu:

- Erinarsoqatigiinnut ilaanera inuuninni misigisannut nuannernerpaanut ilaavoq. Erinarsornermullu tunngasunik ilikkagaqaqaanga. Qujanarujussuarlu kalaallinut tapersersuisorpassuarnut, ilisseqanngippat taama ingerlalluarsimatiginavianngikkaluarpugut, Nathan Kreutzmann naggasiivoq.