Julie AllStars ataasinngorpat Nuummukassapput

Ajugaaniutivinnermut KNR-TV piareeqqavoq. Ualeru nalunaaqutaq sisamanut tanneq quligiluanngorpat Pulaarfik AllStars pillugu aallakaatitsissaaq. Nalunaaqutaq sisamanut AllStars aallartissalluni.
Allattoq Apollo Jeremiassen
maajip 28-at 2010 05:23

Ajugaaniutivinneq qanorluunniit inerneqaraluarpat, ataasinngorpat maajip 31-ani, Julie erinarsortartuilu 22-usut tarmarmik Nuummut tikissapput. Timmisartoqarfimmut takusaarusukkaanni taava nalunaaqutaq 11:10 timmisartoq missaaq.

Unnukkut nalunaaqutaq arfineq marlup qeqqa Julie AllStars timersortarfimmi Inussivimmi akeqanngitsumik tusarnaartitsissapput.

Juliep erinarsortartuilu ajugaassagunik akissarsiarissavaataningaasat 250.000 koruunit. Ajugaassagunik NanuBørnimut ataasinngorpat tusarnaartitsinermi tunniunneqassapput. Taamaattoqassappat aningaasanik tunniussinerat aallakaatitassiorfimmit Metronome-mit aallakaatitassiarineqassaaq.

Katuaq, Air Greenland aamma Nunatsinni Takornariaqarnermi Inuussutissarsiornermilu Siunnersuisoqatigiit akeqanngitsumik tusarnaartitsinissami aaqqissuisuupput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq