Nunatsinni erinarsortartuni nuannarineqarnerpaat ilaat Danmarkimilu tusaamasaalluartoq Julie Berthelsen, nunat avannarliit Norgemi Oslo-mi nipilersornikkut arfininngormat nersornaasiineranni sunneqanngitsoorpoq.
Julie danskit erinarsortartuisa nutaanerusut pitsaanerpaattut nersornaasigassatut inassutigineqarsimagaluarpoq, nersornaalli Nephew-mut tunniunneqarpoq. Nipilersortartut taakku ukiuni arfineq-pingasunngortuni ingerlareersimapput.
Nersornaasiinermi Nordic Music Awards 2004-mi KNR-TV-kkut aamma aallakaatinneqarmat Julie erinarsortut ilagaat. Nunarsuarmi tusaamasat aamma ilaatinneqarput, soorlu Robbie Williams, Westlife, Tina Turner allallu.
Juliep CD-liaa kingulleq 20.000-it sinnerlugit tunineqareerpoq, Julie-lu Danmarkimi qaammatini tulliuttuni tusarnaartitseqattaassaaq.