Julie ajugaavoq
Ajugaasut tassaapput Julie AllStars taakkulu millionip sisamararterutaat ajugaanerminni pissarsiaraat.
Allattoq Louise M. Kleemann
- AllStars misigisaqarfigeqaara pinngitsoorusunngisara, Julie killitsisimalluni oqaluttuarpoq.
Ajugaanngilaattaani Ninap erinarsorpaa Aretha Franklinip erinarsugaa ”Natural Woman”, Madsip erinarsorpaa Nabihap erinarsugaa ”Deep Sleep” erinarsortullu taakku marluk Julie peqatigalugu Coldplay-ikkut atugaat ”Fix You” erinarsorpaat.
Julie erinarsoqatigiivilu 22-it Nuummut ataasinngorpat tikikkunik tikilluaqquneqassapput unnukkullu Inussivimmi tusarnaartitsissallutik.
Unnuk taanna tusarnaartitsereerunik pinnattaatik 250.000 koruunit Peqatigiiffimmut NanuBørnimut tunniutissavaat.