Juliane Henningsen Qeqqata Kommuniani pisortaanertut atorfinittussanngortoq

Julianne Henningsenip Paneeraq Olsen taarsissavaa. Qeqqata kommuniani kommunalbestyrelse ataasinngormat taama aalajangerpoq.
Juliane Henningsen Arctic Circle Businessimi pisortaanertut atorfeqarpoq, ACB pisortat suliffeqarfiutigaat, Qeqqatalu Kommuniani inuussutissarsiornerup ineriartortinneqarnissaanik suliaqarluni. Assi © : Jesper Hansen
Allattoq Jens Betak
oktobarip 16-at 2019 09:07
Nutserisoq Jaaku Lyberth

Juliane Henningsen Qeqqata Kommuniani pisortaanertut atorfinittussanngorpoq, taassuma taarsissavaa Paneeraq Olsen. Qeqqata kommuniani kommunalbestyrelse ataasinngormat taama aalajangerpoq.

Juliane Henningsen Arctic Circle Businessimi pisortaanertut atorfeqarpoq, ACB pisortat suliffeqarfiutigaat, Qeqqatalu Kommuniani inuussutissarsiornerup ineriartortinneqarnissaanik suliaqarluni.

- Juliane takoreerparput Arctic Circle Businessimi pisortaanermini pikkorilluni eqeersimaarlunilu suliaminut pimoorussisuusoq. (...) Taamaattumik isumaqarpunga eqqortoq toqqarsimallutigu. Julianellu suleqatiginissaanut qilanaarlungalu isumalluarpunga, Qeqqata Kommuniani borgmesteri Malik Berthelsen oqarpoq.

Juliane Henningsen politikkimik siusinnerusukkut suliaqarpoq, Inatsisartuni Folketingemilu ilaasortaasimalluni.

22-nik ukioqarluni Inuit Ataqatigiit sinnerlugit Folketingemut 2007-imi qinigaavoq.

2015-mi politikeriujunnaarluni Halibut Greenlandimi atorfinippoq.

Jualiane Henningsen Qeqqata Kommuniani pisortaanertut, kommunaldirektøritut novemberip qiteqqunnerani sulilissaaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk