Juliane Henningsen: Piumasaqaatinik tusaanngitsuusaarneq naammalerpoq
USA-mi isertortumik paasiniarsartut CIA paarnaarussanik timmisartuussillutik Kalaallit Nunaannut aqqusaartarsimanerannik pasilliuteqarneq pillugu Juliane Henningsen oqaaseqarpoq:
- Danskit naalakkersuisuisa ilumoorussimanngilaat, pingaartinnerusimavaat amerikamiunut qanilaarnissaq attaveqatigiilluarnissarlu, isumaqarpunga tamanna akuersaarneqarsinnaanngitsoq.
- Illuatungiliuttuniit siunnersuutigineqartoq arlaannaannulluunniit attuumassuteqanngitsumik misissuinissaq pisariaqarluinnalerpoq, Juliane Henningsen oqarpoq.
Timmisartuussisarsimanermik pasilliuteqarnermi takussutissani maanna saqqummertuni danskit naalakkersuisui USA-mut paasiniaasoqarnissamik tunuarsimaarsimaneragaapput.
Arlaannaannuulluunniit attuumassuteqanngitsumik misissuisitsinissamik piumasaqaat tullinnguuttoq Siumut sinnerlugu Folketingimi ilaasortamit Lars-Emil Johansenimit piumasarineqartoq Juliane Henningsenimit tapersersorneqarpoq.
