Juliane Henningsen NunaFondinimi siulittaasunngorpoq
Siulersuisuini ilaasortat nutaat sisamat inatsisartunit toqqarneqartut, tassaapput, Kim Hansen, Olga Berthelsen Anders Olsen aamma Per Berthelsen. Michael Metz Mørch aningaasaateqarfimmit Bikuben Fonden-imit toqqagaalluni siulersuisuni aamma ilaasortanngorpoq.
Aningaasaateqarfimmi Nunafondimi siulersuisuusimasut taarserneqartut tassaappput, Jørgen Wæver Johansen, Per Skaaning, Kuupik Kleist, Doris Jakobsen aamma Kristian Jeremiassen. Kay Dam Steffensen ukiorpassuarni Bikuben Fonde-inimi siulersuisuini ilaasortaasimasoq aamma taarserneqarpoq. Siulersuisut inissititerlutik ataatsimiinnerminni, aningaasaliiffigineqarnissaminnut qinnuteqartut 69-it suliaraat, suliniutinut assigiinngitsunut qinnuteqaatigineqartut 600,000 koruuninik tapiiffigineqarput. Nunafondinip siulersuisui tulliani decemberip qaammataani ataatsmiissapput. Aningaasaateqarfip siunissami sulinermini najoqqutassai immikkullu suliunitissai ataatsimiissutigineqassapput.
Nunarsuarmi aningaasarsiornikkut ajornartorsiorneq pissutigalugu aningaasaateqarfik ukioq 2011ip tungaanut aningaasanik ikittuinnarnik aningaasaliisinnaasoq erseqqissarneqarpoq. Aningaasaateqarfik aningaasanik isertitaqarneq ajorpoq, ernianit isertitat eqqaassanngikkanni.
Siulersuisut nutaat siulersuisuusimasut aalajangeriigaat assigalugit, aalajangiusimavaat, aningaasaateqarfik ukiumut 1,9 millioner koruuninik aningaasaliisarniatoq, aningaasarsiornermi ajornartorsiornerup qaangiunnissaata tungaanut.
