Julefrokostip akia: Kørekortiiagaaneq
Imigassaq biilernerlu akulerunneqassanngillat. Ajoraluartumilli inuit ilaannut biilersinnaanermut allagartaajagaasimasunut, oqariartuut taanna pulasimagunanngilaq. Tamanna erserpoq politiit aqqusinertigut decemberimiinnaq misissuinerannit.
Ilulissani politiit aqqusinertigut misissuinerminni biilit 90-t missaat unitsissimavaat, taakkunannga ataaseq imigassartorsimalluni ingerlatsisoq unitsinneqarsimalluni. Qitequtit ingerlatilluni ikkusimatiinnarnissaannik peqqussut biilertut qulit malissimanngilaat, taakkulu tamarmik immikkut 500 koruuninik akiligassinneqarput.
Qeqertarsuarmi imigassartorluni ingerlatsisimasoq ataaseq tigusarineqarsimavoq, taamatuttaarlu aamma Maniitsumi. Nuuk imigassartorlutik ingerlatsiffiunerpaasimavoq, maannamullu inuit arfineq marluk decemberip qaammataani, allagartaajagaasimapput.
