Julefrokostereerlutik aserorterisut
Sapaammi ullaassakkut pingasut missaani julefrokosternertik naammassimmat, ilinniartitsisut pingasut ilinniartitsisut inaannukariarlutik pequtinik igalaakkut silammut eqqaallutik aallartipput, aviisimi Drivami taama allaaserinnittoqarpoq.
Taamaaliornerisa kinguneraa, igalaat angisuut sisamat aserorneqarnerat, atuartut anitsiartarfianni igalaaminikorpassuit kiisalu pequtit atorsinnaajunnaarlugit sequminneqarsimasut.
- Kanngunaqaat. Pisimasoq nuanniitsoq. Taakkumi inersimasuupput inuusuttunut atuartitaminnut maligassiuisussat, aviisip Drivap nittartagaanut taama oqarpoq, atuarfiup pisortaa Trond Hansen Riise.
Aamma ilinniartitsisut taamaaliortut, aappilleqattaartuinnanngorlutik kanngusupput.
- Isumassarsiarput sianiilliornerujussuuvoq. Tamanna ajuusaarutigeqaarput. Sapaatip akunnerata naanerani maligassiuilluarsimanngilagut, ilinniartitsisut kanngusuttut, Sunndalip aviisianut taama oqarput.
