Josef Motzfeldt: Politikerit ullormusiaqaatigalutik akeqanngitsumik nerisarnerat qaangiuppoq

Josef Motzsfeldt tamanna pillugu ima oqarpoq:

- Pasillerneqariataartarsinnaanerit soorlu nammineq angallatinik angalasarnerit imaluunniit allanik imminut iluanaarutissarsiortarnerit ilumoortortaqarsimappata, atorunnaarsineqartariaqarput. Assersuutigineqarsinnaasut ilagivaat maannamut inatsisartut sulinerat ingerlarsorfiusarmat ullormusianik ilanngaatigineqanngitsumik inatsisartuni ilaasortat Nuummiikkunik imaluunniit Nuup avataaneersuugunik akeqanngitsumik nerisinneqartarsimapput, taanna massakkuminngaanniit atorunnaarsinneqarpoq.

Qineqqusaarnermi aamma sammineqartulipussuuvoq inatsisartut siulittaasoqarfiata ilassinninnermut aningaasartuuteqarnerujussua?

- Maannamut inatsisartut siulittaasoqarfianni suleriaatsimik aalajangersagavinnik peqanngilaq. Aamma siulittaasoqarfimmi massakkut isumannaagassarput, allattoqarfitta suliareriigaa, tassaavoq inatsisartut siulittaasuata siulittaasoqarfiatalu killeqanngitsutut periarfissinneqarsimanerisa unitsinneqarnissaat. Soorunami innuttaasut aningaasaataannik atuineq malittarisassaqassaaq, aammalu sukateriffigineqassalluni.

- Inatsisartut tassaapput nunami maani inatsisiliortut aamma innuttaasut sinniisussamissut qinigaat, taakkulu aalajagiisorujussuupput inuiaqatigiinni qanoq qaffasitsigisumik appasitsigisumilluunniit pissutsinut akuersisassanersugut. Taamaammat maanngaanniit ilisarnaatitut avammut nalunaarutiginiagaq tassaassariaqarpoq innuttaasut suut akuerisinnaaneraannik maligassiuisuusut tassaasariaqarput inatsisartut. Taannalu naleraralugu uagut siulittaasoqarfimmi ingerlatsisussaavugut, Inatsisartut siulittaasuat, Josef Moztfeldt taama oqarpoq.