Josef Motzfeldt: Isumaqatiginngilluinnarpakka
- Hans Enoksenip Namminersornerullutik Oqartussat allaffeqarfissuanut pilersaarutai isumaqatiginngilluinnarpakka, Josef Motzfeldt tusagassiutinut allappoq.
- Allaffissornikkut ingerlatsinerup inuttalersuinerinnakkut kalaalinngorsarneqarnissaa pinavianngilaq. Maanna oqaluuserineqartup qiteraa innuttaasunit Inatsisartunillu naalakkersuisut angujuminaanninngorlugit inissinneqassasut, departementilersorluni, styrelsilersorluni, Danmarkikkunni pissutsinik issuaanikkut, Inatsisartunut ilaasortaq, Josef Motzfeldt, allappoq, nangillunilu:
- Taamaammat ”pilersaarut qanoq akeqaraluallaruni”, aningaasartuutaaneruliinnarani tamat oqartussaaqataanerannut aamma ajoquseeriaannaavoq.