Josef Motzfeldt EU-mut allagaqaateqarpoq
Naalakkersuisunut ilaasortaq Josef Motzfeldt allakkanik ammasunik EU-p parlamentiani ilaasortanut 732-nut allagaqarpoq. EU-p parlamentia Strassbourgimi ulluni makkunani ataatsimiippoq.
Paasinarsisimavoq parlamentimi ilaasortat arlallit nalunaarummut – puisit atorlugit nioqqutissianik – pisiortornissamut inerteqqutaalluinnalersitsisussamik atsioqataasussarsiortut.
Josef Motzfeldtip maluginiaqquaa puisip amiinik tuniseqqusiunnaarnerup piniartutut inuussutissarsiornermut 1980-ikkunni qanoq ajoqusiisimatiginera.
Taamanikkut Kalaallit Nunaanni piniariaasitoqqamik ingerlatsineq akerlerineqanngikkaluartoq puiseeqqat amiinik tuniseqqusiunnaarneq nunatsinni piniartunut assut ajoqusiivoq.
Taamaattumik EU-mi ilaasortat qinnuigineqarput taamanikkut kukkuneq uteqqinneqassanngippat, inerteqquteqalersitsiniarnermut akerlioqqullugit, pingaartumik eqqaamaqquneqarluni EU-p Kalaallit Nunaatalu suleqatigiinnissamik qanittukkut atsioqatigiissuteqarnerat.