Qeqertarsuarmi eqqaanilu nuna sajuttoq
Nunatsinni nuna unnuaq unnuap-qeqqata missaani sajuppoq.
Allattoq Charlotte Holten-Møller
Nutserisoq Mads Lynge
Tassa Qeqertarsuarmit kujammut kimmut immap naqqani nuna Richterip nunap sajuttarneranik uuttuutaa naapertorlugu 4,7-imik sajuppoq. Nunap sajunnerata qeqqa Qeqertarsuarmit kujammut kimmukanneq immap naqqaniippoq.
Immap naqqani nunap sajunnera nunap sajuttarneranik Nunatsinni uuttuutinit ersarilluinnartumik malugineqartut, Danmarkimi Kalaallit Nunaannilu ujarassiuutut misissuiffiup GEUS-ip nalunaarutigaa.
Inuit nunap sajunneranik malussarsimasut pappilissamik immersugassamik immersuissasut GEUS-ip kajumissaarutigaa. Pappiliaq immersugassaq taanna GEUS-ip nittartagaani GEUS.dk -mi aaneqarsinnaavoq.