Jonathan Motzfeldt Qaqortup Kommuniata nunaqarfiisa ilaanni Qassimiuni septembarip 25-iani 1938-mi inunngorpoq, angajoqqaaraalu piniartoq Søren Motzfeldt aamma Kirsten Motzfeldt.
Jonathan Motzfeldt ilinniartitsisutut Ilinniarfissuarmit 1960-imi naammassivoq, palasitullu Københavnip Universitetianit 1966-imi naammassilluni.
Jonathan Motzfeldtip politikkikkut sulinera 1971-imi aallartippoq landsrådimut qinigaagami.
Moses Olsen Lars-Emil Johansenilu peqatigalugit Jonathan Motzfeldtip partii Siumut 1977-imi pilersippaa, Namminersornerullutillu Oqartussat 1979-imi pilersinneqarmata naalakkersuisut siulittaasuattut inissilluni.
Jonathan Motzfeldt marloriarluni naalakkersuisut siulittaasuuvoq. Siullermik 1979-imiit 1991-ip tungaanut, aappassaanillu 1997-imiit 2002-p tungaanut.
Inatsisartunut siulittaasuusarsimavoq, ataatsimiititalianullu siulersuisunullu assigiinngitsunut ilaasortaasarsimalluni.
Kalaallit Nunaannit nersornaatisisimasoq, nunanillu assigiinngitsunit nersornaatisisimasoq nalliussiniarlugu Inatsisartut Siulittaasoqarfiat Naalakkersuiusoqarfillu innuttaasunut ualeru kaffisortitsissapput, Nuummi Katersortarfimmi nalunaaqutaq ataatsiniit tallimat tungaanut kaffisortitsisoqassagami.