Jonathan Motzfeldt tikeriarpat aalajangiisoqassaaq
Qanoruumi tusagassiortup Siiva Olsenip Hans Enoksen oqaloqatigereerlugu oqarpoq, Jonathan Motzfeldt aatsaat tikereerpat suliamut atatillugu aalajangiisoqassasoq. Pineqartup tunuatigut aalajangiisoqannginnissaa Hans Enoksenimit pingaartinneqarmat.
Jonathan Motzfeldt Danmarkimiit ullup qeqqata missaani tikittoq marlunut ataatsimiinermi peqataassaaq.
Sermitsiaq.gl-imi allaaserineqartut aallaavigalugit, Jonathan Motzfeldtip tikinnerata nalaani Nuup mittarfia tusagassiortunik katersuuffiulluarsimavoq, inuttaalu toqqaannarluni biilinut ikiartorsimavoq apeqqutinillu akisaqarani ingerlaannarpoq. Inatsisartut Allattoqarfiani pisortaq, Nicolaj Sørensen Jonathan Motzfeldtimik biiliussivoq.