Jonathan Motzfeldt pillugu atuakkiaq nutaaq saqqummersinneqarpoq

Nunatta naalakkersuinikkut siuttorisimasaani siullerpaaq Jonathan Motzfeldt ullumi 80-iliisussaagaluarpoq. Ullormut atatillugu Jonathan Motzfelt pillugu atuakkiaq "Juntaaq" saqqummersinneqarpoq, tassa taassuma taaguutaanik qulequtserlugu.
Allattoq Thomas Munk Veirum, Ane-Marie Petersen
septembarip 25-at 2018 17:34

Atuagaq sisamanik atuakkiortoqarpoq, tassaasut Jakob Janussen, Lars Vesterbirk, Per Danker Einar Lemckelu. Atuagarlu politikkeriusimasup inuttut kinaassusaanut tunnganeruvoq.

- Jonathan Motzfeldt atuakkiarineqareernikuuvoq, kisiannili uagut sisamaalluta Jonathan ilisarisimalluarparput, qiimasuullunilu pissusaa aamma eqqartorneqartariaqarsoralutigu. Tamaalilluni iluamik ilisimaneqarnerulerniassammat, atuakkiortut tusagassiuutinut nalunaarumminni taama allapput.

Jonathan Motzfeldtip suleqatigisimasarpassuisa ilagaat Lars-Emil Johansen. Taassumalu aamma Juntaap qiimmisaartarnera eqqaamalluarpaa.

- Juntaap piginnaasaqarfiisa ilagaat soqutiginanngitsut oqaluuserisat, inuppassuarnit soqutigineqanngitsut tamanit soqutigineqartunngortissinnaasaramigit. Quiasaarnermik ilallugit imaluunniit oqallorinnermigut nassuiaallaqqinnermigut malinnaatileriataartarpai, Lars-Emil Johansen taama oqarpoq. Qangatullu atuakkanik atuarsinnaajunnaarsimagami ilaquttaminut atuffatsinnissi oqaatigalugu.

Jonathan Motzfeldt 72-inik ukioqarluni 2010-mi toquvoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq