Jonathan Motzfeldt peqqissiartorluarpoq

Inatsisartut siulittaasuat Jonathan Motzfeldt Islandimi napparsimmavissuarmi uninngatinneqartoq peqqissiartorluarpoq. Jonathan Motzfeldt massakkut ima naqqitsigaaq, nammineerluni makissinnaalersimalluni uffarsinnaalerluni, nerilluartalerlunilu. Jonathan Motzfeldtip nulia Kristjana Gudmundsdottir Motzfeldt taama ilisimatitsivoq.

Jonathan Motzfeldt ullut qulit suli uninngatinneqarallassaaq, naqqilluarserluni, qaqugu angerlartinneqarsinnaanissaa pillugu, sapaatip akunnerata tulliani paasitinneqassallutik, nulia oqarpoq.

Jonathan Motzfeldt puammigut nipititsilluni perululermat Islandimi napparsimmavissuarmut juulip qeqqata missaani aallarukkasuarneqarpoq, tassanilu sapaatip akunneranik sivisussulimmik peruluttut uninngavianiitinneqarpoq, uninnganerani tartui salinneqarlutik. Jonathan Motzfeldt perulukkunnaarmat naliginnaasumik uninngasut immikoortortaannut nuunneqarpoq.

Danmarkimi tusagassiortut nunatsinnukartartut peqatigiiffiannut Jonathan Motzfeldt oqarpoq napparsimarulussimanini qaangeriartorluarini, nunatsinnullu angerlaqqinnissaminut assut erisunnerarpoq.

Danmarkimi tusagassiortut nunatsinnukartartut allaaserinnipput, Jonathan Motzfeldt sungiusarluni massakkut aamma aallartereersimasoq.