Jonathan Motzfeldt: Juullip Evangeliuata oqariartuutaa pingaaruteqartuarpoq

Nunarsuatsinni ullumikkut taama pisoqartigitillugu Juullimi Evangeliup oqariartuutaa qanoq pingaaruteqartigiva?

Juulli qasuersaarfiuva? Inatsisartut siulittaasuat palasilu Jonathan Motzfeldt aperaarput, imatullu akivoq:

- Pingaaruteqartuarpoq. Aammalu eqqaamassavarput kristumiut silarsuaanni Juulli nalliukkaangat annertoorujussuarmik aamma sunnersimaneqartarput inuttut uagut ileqquliussagut aqqutigalugit, tassa nunamiit nunamut, naalagaaffinniit naalagaaffinnut. Aamma nunatsinni taamaappoq. Kisianni aamma ilaannikkut oqartarnerit "taanna Juullilerinersuaq", taama nipilimmik ilaannikkut ajugaasimaarpaluttumik imaluunniit ilisimanerorpaluttumik nipeqartumik taanna aamma pinngitsoorsinnaanngilarput pissallugu, kisianni Juullip nammineq Evangeliua, Meerannguaq Biilliimimi, taanna siunissami ingerlassaaq, aamma inoqartuarmat akornatsinni aperisunik: "Guuti sumiippa?", Jonathan Motzfeldt oqarpoq.