Jonathan Motzfeldt aalakoorpallaaqimmat qulimiguulimmut ilaaqqunngilaat
Pisoq peqqusiileqinartoq tamanna pivoq, Inatsisartunut qineqqusaartut arlallit Qaqortumiit Narsarsuarmut qulimiguulik atorlugu aallarnialersullu, qineqqusaartut Narsarsuarmiit Paamiunut aamma qineqqusaariartortussaasut.
Inatsisartunut siulittaasuusimasoq aalakoortorujussuulluni takkummat qulimiguullip inuttaasa ilaanissaanut itigartippaat. Tamanna Siumukkormiutoqqap Jonathan Motzfeldtip kamaatigisorujussuugaa, Sermitsiami allaaserineqarpoq. Angutit marluk mittarfimmit qimagutsittariaqarsimavaat, suli nilliassaqaartoq "Kalaallit Nunaanni kunngiulluni".
Tusarfiit pingasut imminnut attuumassuteqanngitsut Sermitsiamut taama oqaluttuarput.
Air Greenlandimi paasissutissiisartoq, Pia Christensen Bang, Sermitsiamut nalunaarpoq, pisimasoq uppernarsarluguluunniit ilumuunnginnerarsinnaanagu, ingerlatseqatigiiffiup ileqqorinngimmagu ilaasut ataasiakkaat pillugit oqaaseqartarneq, inuiaqatigiinni inissisimanerat apeqqutaatinnagu.