Joe Bidenip ajugaanera Kongressip uppernarsarpaa

Kongressimi illorsuarmi sakkortuumik eqqissiviilliortoqareersorlu, præsidentissatut qinigaasup Kongressimit akuersissutigineqarpoq.
Kongressimi præsidentip tullersortaajunnaalersup, Mike Pencep, tamanna nalunaartigimmagu ilaasortat arlallit ersaartaapput. Assi © : Kevin Lamarque/Reuters/Ritzau Scanpix
Allattoq Ritzau
januaarip 07-at 2021 08:30
Nutserisoq Marie Kûitse Kristensen

Joe Biden USA-mi præsidentissatut Kongressimi akuerineqarpoq, taanna Amerikami naalagaaffinni assigiinngitsuni ataasiakkaani qinersisut kisinneqarmata akuersissutigineqarpoq.

Qinersisartut 306-it Joe Bidenimut taasipput, 232-illu Donald Trumpimut taasillutik.

Kongressimi præsidentip tullersortaajunnaalersup, Mike Pencep, tamanna nalunaartigimmagu ilaasortat arlallit ersaartaapput.

AAMMA ATUARUK Washingtonimi eqqissiviilliortoqarnerani inuit sisamat ajunaartut

Tamakku tamaasa inississorniarneqaleruttorneranni, Trumpip illersuisui hunnorujulikkaat Kongressimut isaallutik eqqissiviilliortitsilermata sulineq unitsinneqarallarpoq.

Inuit sisamat eqqissiviilliortoqarnerani ajunaarput, inuillu 52-it tigusarineqarlutik.

Nalunaaquttap akunnerini arlalinni eqqissiviilliortoqareersoq, illorsuaq isumannaarneqaqqimmat kongressimi politikikkut sulineq nangeqqinneqarpoq, taasinerillu sisamanngornerup unnuaani akuersissutigineqarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq