Joe Biden 80 millioninit ikinnerunngitsunit taaguunneqartoq

USA-mi demokraatineersoq, Joe Biden, præsidentimut qinersinerni siullerpaalluni qinersisartunit 80 millioninit ikinnerunngitsunit taaguunneqarpoq.
Amerikami qinersisinnaatitaasut 66,5 procentii qinersisimasut qinersisartunik nalunaarsuiffimmit United States Elections Projectimit nalilerneqarpoq. Assi © : Mark Makela/AFP/Ritzau Scanpix
Allattoq Ritzau
novembarip 25-at 2020 10:45
Nutserisoq Bibi Nathansen

Joe Biden Amerikami præsidentimut qinersinerni siullerpaalluni qinersisartunit 80 millioninit amerlanerusunit taaguunneqarpoq.

USA-mi nutaarsiassaqartitsivik CNN taama allappoq.

Amerikami præsidentitut qinigaanissamut qinersisartut sinnerlugit taasisartut 270-it pissarsiarisimanissaat piumasaqaataavoq, Bidenilu qinersisartut sinnerlugit taasisartunik katillutik 306-inik pissarsivoq.

AAMMA ATUARUK Bidenip ministerissani siulliit marlunngorpat saqqummiutilerai

Amerikami qinersisinnaatitaasut 66,5 procentii qinersisimasut qinersisartunik nalunaarsuiffimmit United States Elections Projectimit nalilerneqarpoq.

Qinersisimasut aatsaat taama amerlatiginngillat, piffissamili kingullermi aatsaat taama amerlatigisut, nutaarsiassaqartitsivik Ritzau allappoq.

Novembarip ulluisa pingajuanni qinersinerup sioqqullugu qinersisut amerlammata qinersiartortut amerlanissaat ilimagineqareerpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq