Joannes Eidesgaard ukiortaami oqalugiarpoq

Savalimmiut nunanut allanut attaveqarnerat ukiumi nutaami pingaartillugu suliniutaassaaq, Savalimmiuni Naalakkersuisut siulittaasuat Joannes Eidesgaard ukiortaami taama ilaatigut oqalugiaateqarpoq.

- Savalimmiut nunani allani ersarinnerulernissaat Naalakkersuisut tamaviaarutigaat, Joannes Eidesgaard erseqqissaavoq.

Savalimmiut Tuluit Nunaanni aallartitaqarfiata Irlandi ilanngullugu allineqarsimasoq assersuutigaa.

Savalimmiut Islandimi aallartitaqarfeqalernissaat aamma sulissutigineqarpoq.

- EU-mik suleqateqarnerunissaq Europamilu nunat killilersugaanngitsumik niueqatigiiffianni EFTA-mi Savalimmiut ilanngunnissaat sulissutigaarput, Joannes Eidesgaard oqarpoq.

Savalimmiuni inuussutissarsiutit pingaarnersaata aalisarnerup EU-mit aqunneqalernissaa ernumagalugu EU-mut ilanngunnissaq Savalimmiormiorpassuarnit akerlerineqarsimasoq killormut saakkiartorpoq,

qinersisartunik isumasiuinerit kingulliit takutimmassuk Savalimmiormiut EU-mut ilanngukkusuttut amerliartulersimasut.